Hitzometroa| Mallorca-Osasuna

Igandeko partidan Osasunako jokalariek ez zuten maila eman. Bereziki lehen zatian neurketatik kanpo izan ziren, iparra erabat galduta. Bigarren 45 minutuetan hobera egin zuten, Martinek egindako eskema aldaketa tarteko. Oier hegaletik zelai erdira mugitu zuen, eta horrek taldearen jokoa erabat aldatu zuen. Bigarren zati ederra jokatu zuen Lizarrakoak. Zelai erdian nabarmendu zen beste jokalarietako bat Manuel Sanchez izan zen, orain arte elastiko gorriarekin jokatu duen partidarik onena egin zuena. Oso txukun aritu zen, batik bat defentsa lanetan. Bestalde, Otegi eta Olavide izan ziren kaxkarren aritu zirenak. Kalitate handiko mutilak dira, baina igandean partida grisa jokatu zuten.

Eñaut Agirrebengoa Apaolaza (@eagirrebeng)

w_900x700_17193010img_8338.jpg Irakurtzen jarraitu

Advertisements

Hitzometroa| Osasuna-Albazete

Iñaki Berastegi Goikoetxea (@IBerastegi)

Eraginkortasunaren bidetik lortutako garaipena izan zen larunbatekoa Sadar futbol zelaian. Joko praktikoa eta ordenatua, inongo erakustaldirik gabekoa. Hiru puntuak, ordea, etxekoentzat. Suspentsearekin lortutako garaipen bezala ere ulertu daiteke. Izan ere, etxeko taldearen jokalaririk onena atezaina izan zen; Nauzet Perez. Eraso jokoan Enrike Martinen jokalariek ez zuen aparteko dizdirarik erakutsi eta atzealdean, partidaren fase batzuetan, zailtasunak ere argiak izan ziren.

2015101721270962646 Irakurtzen jarraitu

Hitzometroa| Alaves-Osasuna

Eñaut Agirrebengoa Apaolaza (@Elspipi)

Larunbateko partidara arte esne mamitan zebilen Osasuna, partida guztietan itxura ona emanda. Mendizorrotzan, aitzitik, taldeari ezinean ikusi zitzaion, batik bat lehen zatian. Gorritxoak babazorroen presio gogorra gainditu ezinda ibili ziren, baloia jokatzerakoan batere zehaztasunik gabe. Bigarren zatian taldearen jokoak hobera egin zuen, baina etxekoek kontraerasoan partida erabakita utzi zuten. Emaitzak (3-0) agerian uzten duenez, ez zen Osasunako defentsen egunik onena izan; 90 minututan aurreko 7 jardunalditan jasotako gol kopuru bera jaso zuten. Erasoko jokalariei dagokienez, gizonik aipagarriena Alex Berenguer izan zen. Haztegikoa bigarren zatian sartu zen, eta beste martxa bat eman zion taldeari.

Irakurtzen jarraitu

Hitzometroa| Osasuna-Lugo

   Eñaut Agirrebengoa Apaolaza (@Elspipi)

Suziria bezala hasi du denboraldia Osasunak. Zazpi partidatan bost garaipen erdietsita, sailkapeneko lehen postuan da talde nafarra. Atzokoan, Lugo talde galiziarrari gailendu zitzaion, eta ez edonola: zaleen zoramenerako, 45 minututan 3 gol sartu, eta azkenean partida 4-0ekoarekin amaitu zen. Garaipen ikusgarri horretan Roberto Torres izan zen dizdira gehien egin zuen jokalaria. Arrekoak neurketa guztiz gogoangarria egin zuen, gorritxoen lehen hiru golak berak sartuta. 8 urte ziren Osasunako jokalari batek hat-trick bat egiten ez zuela (aurrekoa Roberto Soldadok Levanteren aurka egin zuen). Azpimarratzekoa, baita ere, Mikel Merinok egin zuen lana. Partida hasiera zaila izan zuen, euskarria bakarrik egoteak kontzentrazio eta lan handia eskatzen duelako, baina minutuen jonarekin batera erosoago sentitzen joan zen. Azkenean, gorritxorik aipagarrienetarikoa izan zen.

Irakurtzen jarraitu

Hitzometroa| Zaragoza-Osasuna

Eñaut Agirrebengoa Apaolaza (@Elspipi)

Gorritxoek meritu handiko garaipena erdietsi zuten Zaragozaren aurka. Etxetik kanpo jokatuagatik ere, Martinen mutilek ausardia handiz jokatu zuten, eta azkenean huts eta bat irabazi zioten talde aragoitarrari. Minuturik onenak lehen zatian izan zituzten, defentsako jokalarien sendotasunari baloiaren jabetza gehitu ziotenean. Lan horretan, berriz ere, Roberto Torres izan zen jokalaririk azpimarragarriena. Taldearen erasoko jokoaren gidaria izan zen, eta gorritxoen golean sekulako pasea eman zion Nino golegileari. Bigarren zatian, bere aldetik, sufritzea tokatu zen, eta egoera horretan Unai Garcia eta Nauzet atezaina nabarmendu ziren. Haiengatik ez balitz, azken emaitza ziur aski desberdina zatekeen.

Irakurtzen jarraitu

Hitzometroa| Osasuna-Mirandes

  Eñaut Agirrebengoa Apaolaza (@Elspipi)

Seitik sei. Lehen bi partidetan bi garaipen pilatuta, denboraldia modu ezinhobean hasi du Osasunak. Atzokoan Mirandes hartu zuen mendean, neurketa oso lehiatu eta estu batean. Bi izan ziren garaipenaren giltzarriak: bata, defentsako lan sendoa, eta bestea, aurreko postuetako jokalarien lehiakortasuna. Defentsa lerroan bereziki aipatzekoa Unai Garcia ezkaroztarrak erakutsitako maila. Iragan sasoian Tudelanon utzita ibili ostean, atzokoa bezalako partidekin lekua egin du talde gorritxoan. Erasoko jokalariei dagokienez, Pucko eta Roberto Torres izan ziren gizonik aipagarrienak. Arrekoak, beste behin ere, une honetan taldeko liderra dela erakutsi zuen.

Irakurtzen jarraitu

Hitzometroa| Osasuna-Recreativo

Eñaut Agirrebengoa Apaolaza (@Elspipi)

Atzoko partida benetako “matchball” bat zen Osasunarentzat, eta gorritxoek irmotasunez gainditu zuten. Hiru izan ziren partida irabazteko giltzarriak: arerioaren maila eskasa, defentsako lan sendoa, eta geldikako jokaldiak. Bestelakoan, erasoan taldeak ez zuen ikuskizunik eman. Aurreko jokalarien artean aipagarrienak Sisi eta Torres izan ziren. Albacetekoak beste behin ere mugikortasun eta kalitate erakustaldi bat eman zuen; Arrekoak, bere aldetik, falta zein kornerrak maisuki atera zituen. Defentsako lerroari dagokionez, bereziki aipatzekoa da Nicola Vujadinovic serbiarra, atzokoan partida ikusgarri bat osatu zuena. Atzekaldean baloi guztiak irabazteaz gain, neurketako lehen gola sartu zuen.

Irakurtzen jarraitu

Hitzometroa| Osasuna-Albacete

Eñaut Agirrebengoa Apaolaza (@Elspipi)

12 jardunaldi luzeren ostean, atzo jokatutako norgehiagokan Osasunak urtarriletik zekarren garaipenik gabeko boladari amaiera eman zion. Atzokoan lortutako hiru puntuek urrearen balioa dute, jokalari, zale, entrenatzaile zein zuzendaritzari etorkizuna baikortasun handiagoz ikustea ahalbidetzen baitie. Zernahi ere, garaipenak ezin ditu Mateoren mutilak itsutu. Izan ere, garaipena bai, baina latz sufrituta lortu zuten, momentu askotan arerioa baino gutxiago izanda eta garaipenaren gola partidako azken minutuetan sartuta. Zentzu horretan, ditxosozko 12 partida horietako zenbaitetan  atzoko norgehiagokan baino meritu dezente handiagoak egin zituzten hiru puntuak eskuratzeko. Atzokoan, baina, taldeak bolada txar horretan zehar oso oso gutxitan izandako bi elementu izan zituen: zortea, eta kemena, irabazteko grina.

Irakurtzen jarraitu

Hitzometroa| Alaves-Osasuna

Jose Manuel Mateo 

2| Alcorconen aurka ikusitako aurrera pausua ezerezean geratu zen Gasteizen. Mateok ezarritako hobekuntzek bere fruitua ez izateaz gain taldeak asko bota zituen faltan Loe eta Vujadinovic. Bi jokalari horiek faltan bota arren, Mateo erabat nahastu zen hamaikakoa osatzerakoan. Ezer gutxi erakutsi duen Ansarifard zelairatzeaz gain, Olavide ordez Yoel Solari lehenengo taldearekin jokatzeko aukera nahi eman zion. Lehnengo minutuetan esperantza piztu arren taldeak ez zuen mailarik eman.

Iñaki Berastegi Goikoetxea (@IBerastegi)

Irakurtzen jarraitu